Чистайның өч студенты Дәүләт Думасы депутаты Олег Морозовтан стипендия алды
Чистайга РФ Дәүләт Думасы депутаты Олег Морозов килде.
Булачак белгечләр КНИТУ-КАИның «Восток» Чистай филиалында укыйлар һәм югары теоретик, гамәли белемнәрен күрсәтәләр. Екатерина Главнова, Даниил Александров, Регина Гайнуллина – 2 һәм 3 курс студентлары. Алар техник белгечлекләрне үзләштерәләр, университетның актив тормышында катнашалар. Стипендиатлар төрле юнәлешләрдә үсеш алуны дәвам итәчәк һәм иң яхшыларына әйләнәчәк, дип билгеләп үттеләр.
- Укуга да, иҗатка да, ялга да вакыт җитә. Аны дөрес бүлергә мәктәптә уку ярдәм итте. Югары сыйныфларда, имтиханнарга ныклап әзерләнгәндә, студент ролен репетицияләде дияргә була. Яхшы укыр өчен парларга йөрү һәм укытучыны игътибар белән тыңлау да җитә, - дип ышана балалар.
РФ Дәүләт Думасы депутаты Олег Морозов университет диварларының аның өчен туган булуын яшерми. Ул белемле яшьләрне хөрмәт итә, шуңа күрә дә отличникларны исемле стипендия белән бүләкләргә карар кыла.
- Узган очрашуда мин сезгә һәр семестр нәтиҗәләре буенча, курска Карамастан, иң яхшы өч студентка стипендияләр тапшырачакмын, дип хәбәр иттем. Үз сүземне мин тотам. Ияләрнең исемнәрен сезнең директорыгыз һәм укытучылар составы билгеләде, Мин аларга тулысынча ышанам. Стипендия өчен көрәшүнең мәгънәсе бар иде, чөнки конверттагы сумма сезне гаҗәпләндерәчәк, - дип ассызыклады Морозов.
Очрашуда шулай ук Чистай шәһәре башлыгы урынбасары Михаил Ксенофонтов, КНИТУ-КАИның административ эшләр һәм филиаллар буенча проректоры Булат Зиннуров, КНИТУ-КАИның «Восток» Чистай филиалы директоры Илшат Мөхәммәтҗанов катнашты.
Соңыннан Дәүләт Думасы депутаты илдәге һәм дөньядагы сәяси вәзгыять турындагы фикерләре белән уртаклашты.