Федераль салым хезмәте белән аралашам дип уйлап, 27 яшьлек ир-ат мошенниклар корбаны булган.
Полиция хезмәткәрләренә 27 яшьлек зыян күрүче сөйләгәнчә, аңа янәсе Федераль салым хезмәтеннән шалтыратканнар. Шалтыратучылар аның 2-НДФЛ белешмәсе дөрес тутырылмаган, һәм вәзгыятьне төзәтү өчен салым инспекциясенә шәхсән килергә кирәк, дип хәбәр иттеләр. Алдан язылу өчен ир-аттан SMS-хәбәрдә кергән кодны әйтеп бирергә сораганнар.
Ир-ат SMS тан саннар хәбәр иткәннән соң, аңа үзен хокук саклау органнары хезмәткәрләре дип атаган затлардан шалтыратулар килә башлаган. Шалтыратучылар янаганнар,куркытканнар һәм раслаганча, аңа мошенниклар шалтыраткан, алар кодны алгач, дәүләт хезмәтләре порталында шәхси кабинетка керә һәм банк счетларына керү мөмкинлеге алган. Җинаятьчеләр янәсе аның исеменә кредитлар рәсмиләштергән һәм акчаларны террорчылык оешмаларына иганәчелеккә күчерә. Алга таба, мошенниклар яңа кредитлар рәсмиләштерүне һәм акчаларны үзләре күрсәткән счетларга күчерүне таләп иткәннәр.
Куркуга төшкән ир-ат, җинаять җаваплылыгыннан качарга омтылып һәм үз финанслары өчен куркып, күчерү өчен акча эзли башлый һәм нәтиҗәдә әнисенең банк картасыннан 2 568 000 сум күчерә.
Әлеге факт буенча Россия Эчке эшләр министрлыгының Чистай районы буенча тикшерү бүлеге тикшерүчесе тарафыннан Россия Федерациясе Җинаять кодексының 159 маддәсе, 4 өлеше буенча җинаять эше кузгатылган (аеруча зур күләмдә кылынган караклык).
Полиция хезмәткәрләре гражданнарны уяулык күрсәтергә һәм SMS-хәбәрләрдән кодларны беркемгә дә хәбәр итмәскә кирәклеге турында кисәтә. Исегездәме, дәүләт органнары хезмәткәрләре беркайчан да телефон аша яки якланмаган элемтә каналлары аша конфиденциаль мәгълүмат сорамый.