ТР Дәүләт Советы депутаты Чистайның «Юлдаш» картлар һәм инвалидлар интернат-йортында булды
Чистай муниципаль районы башлыгының беренче урынбасары Константин Иванов һәм социаль яклау бүлеге җитәкчесе Гүзәл Каюмова озатуында җиденче чакырылыш Татарстан Республикасы Дәүләт Советы депутаты Наил Залаков эш визиты белән «Юлдаш» картлар һәм инвалидлар интернат-йортында булды.
Директор учреждение буйлап экскурсия үткәрде һәм интернат эшчәнлеге турында сөйләде.
Кунаклар торак бүлмәләрдә, ашханәдә, актлар залында, социаль хезмәтләр күрсәтү кабинетларында булдылар һәм тәрбияләнүчеләр белән аралаштылар.
Безнең тыл хезмәтчәннәре игътибарсыз калмады.
Депутат аларны Бөек Ватан сугышында Җиңүнең 80 еллыгын бәйрәм итү елы белән котлады, юбилей медальләре һәм бүләкләр тапшырды. Аларга ныклы сәламәтлек, күңел күтәренкелеге һәм күбрәк шатлыклы көннәр теләде.