Полиция хезмәткәрләре уен аккаунтын сату сылтавы белән мошенниклык шартларын ачыклый
18 яшьлек егет полиция бүлегенә мошенниклык турында гариза белән мөрәҗәгать иткән. Ул тикшерүчегә уенда үз аккаунтын сатарга карар кылуы һәм бу хакта мәгълүматны «Телеграм»мессенджерында махсуслаштырылган төркемгә урнаштыруы турында аңлатты. Озакламый аккаунт алырга теләгән ят кешедән тәкъдим килде. Сатып алучы белән аралашканнан соң яшь кешенең кредит картасыннан 39 000 сум күчерелгән.
Тикшерүчегә күрсәтмәләр биргәндә, егет үзенең мәгълүматларын беркемгә дә бирмәвенә, раслау кодларын атамавына ышандыра.
Тикшерү эшләре барышында полиция хезмәткәрләре егетнең, сатып алучы үтенече буенча, телефонга «экран күрсәтү»функциясен урнаштыруын ачыклаган.
Телефонга керү мөмкинлеге алгач, мошенниклар зыян күрүче исеменә кредит картасы рәсмиләштергәннәр һәм аннан 39 000 сум күчергәннәр.
Хәзерге вакытта җинаятьчеләрне эзләү хезмәткәрләре мошенникның шәхесен ачыклауга һәм аны тоткарлауга юнәлдерелгән чаралар үткәрә.
Россия Эчке эшләр министрлыгының Чистай районы буенча тикшерү бүлеге тикшерүчесе тарафыннан РФ Җинаять кодексының «Мошенниклык»159 маддәсендә каралган җинаять билгеләре буенча җинаять эше кузгатылган.