Тире антисептигы буенча Гид
Шәхси гигиена кагыйдәләрен үтәү инфекцияләр таралуны булдырмаска ярдәм итә. Кулларны юу мөмкинлеге булмаган шартларда тире антисептикларын – микробларга каршы активлыкка ия һәм зарарлы микрофлораны юк итүне тәэмин итә торган заманча химик дезинфекцияләү чараларын куллану максатка ярашлы.
Роспотребнадзорның Чистай ТОУ дезинфекцияләү чарасын сайлаганда аның нинди этиология кузгатучыларына йогынты ясавына игътибар итәргә киңәш итә. Әгәр сез антибактериаль тәэсирле генә чара сайлаган булсагыз, шуны истә тотыгыз: ОРВИ, грипп һәм башка респиратор авырулар таралу чорында ул сезгә ярдәм итмәскә мөмкин. Бу очракта бактерияләрне дә, вирусларны да юк итә алырлык киң спектрлы тире антисептигын сайларга кирәк. Чараның нинди кузгаткычларга йогынты ясавын аңлау өчен инструкцияне укырга кирәк.
Антисептикларның төрләре:
Спиртлы антисептиклар-антисептикларның иң киң таралган төре, ул бактерияләрне һәм вирусларны тиз үтерә. Спирт нигезендә кул өчен ясалган антисептиклар, составында 60% тан да ким булмаган спирт булса, күпчелек бактерияләрне һәм вирусларны нәтиҗәле юк итә.
Спиртлы булмаган антисептиклар кайбер типтагы бактерияләр өчен нәтиҗәле, әмма аларның нәтиҗәлелеге спиртлы антисептикларныкына караганда түбәнрәк.
Инфекцияләрне профилактикалау өчен спиртлы тире антисептикларын кулланырга кирәк. Этил спирты 70% тан да ким булмаска тиеш, ә изопропил спирты 60% тан да ким булмаска тиеш. Антисептик спиртлар катнашмасыннан торырга мөмкин. Бу очракта концентрация 60% тан да ким булмаска тиеш, һәм бу концентрация «масса буенча»булуына игътибар итәргә кирәк.
Тире антисептигы составына шулай ук тирене йомшарта һәм дымландыра торган компонентлар, мәсәлән, глицерин да керә ала.
Антисептик чаралар кулланырга әзер эремәләр, гельләр, дезинфекцияләүче тастымаллар, микробларга каршы үзлекләре булган сыек сабын рәвешендә чыгарыла. Кулларны эшкәртү ысулы антисептикны чыгару формасына бәйле.
Антисептикны сатып алганда аларның составын (анда бернинди агрессив кислоталар һәм альдегид кушылмалар булырга тиеш түгел) һәм куллану буенча инструкцияне игътибар белән өйрәнергә кирәк.
Антисептиклар куллануның кайбер өстенлекләренә карамастан, алар һәрвакытта да күренеп торган пычрануны (мәсәлән, пычракны яки майны) җиңә алмыйлар, мондый очракларда кулларны сабын белән юарга кирәк.