Чистайда 2025 елның беренче игезәге

2025 елның 5 феврале, чәршәмбе

2025 елның 4 февралендә Чистай муниципаль районы Башкарма комитетының ЗАГС бүлегендә эркаевлар гаиләсендә игезәкләр тууы теркәлде.

Светлана һәм Рөстәм Эркаевлар гаиләсендә икеләтә бәхет булды! Дөньяга берьюлы ике бала — Агата һәм Рената туа. Игезәкләрне өендә апалы-сеңеллеләре бик нык дулкынланып көтәләр иде!

ЗАГС хезмәткәрләре Эркаевлар гаиләсен тормышларындагы мөһим вакыйга белән котладылар һәм кызларның беренче документларын, шулай ук зур булмаган бүләк тапшырдылар!

Яңа туган сабыйларга, аларның туганнарына һәм, әлбәттә инде, әти-әниләренә ныклы сәламәтлек һәм иминлек телибез!