Наркоконтроль бүлеге хезмәткәрләре җирле кешедән наркотиклар тартып алган
3 октябрьдә, оператив чаралар барышында, Чистай-Аксубай автоюлында полиция хезмәткәрләре тарафыннан «Лада Калина» автомашинасы туктатыла, анда 42 яшьлек җирле кешенең үсемлек матдәсе салынган полимер пакеты табыла һәм тартып алына.
Әлеге матдә тикшеренүгә юнәлдерелгән, ул тәкъдим ителгән матдәнең киндер үсемлегенең өлешләре булуын күрсәткән. Наркотикның массасы 102,2 грамм тәшкил иткән.
Россия Эчке эшләр министрлыгының Чистай районы буенча тикшерү бүлеге тикшерүчесе тарафыннан РФ Җинаять Кодексының 228 маддәсе 2 өлеше буенча «наркотик чараларны, психотроп матдәләрне яки аларның аналогларын зур күләмдә сату максатыннан башка законсыз сатып алу, саклау, ташу, җитештерү, эшкәртү»буенча җинаять эше кузгатылган. Әлеге маддәнең санкцияләре өч елдан ун елга кадәр иректән мәхрүм итү рәвешендәге җәзаны күздә тота.