Дәүләт Думасы депутаты Чистайда булды.
Дәүләт Думасында «Бердәм Россия» фракциясе депутаты Айдар Метшин эш сәфәре барышында пассажир пристане төзелешен карады, СВО катнашучысы белән очрашты, шулай ук шәхси сораулар буенча гражданнарны кабул итте.
Бүген безнең шәһәрдә Дәүләт Думасы депутаты Айдар Метшин булды. Аны Чистай муниципаль районы башлыгы Дмитрий Иванов озата йөрде. Чистайга эш сәфәре барышында ул пассажирлар пристане төзелешенең барышы белән танышты һәм башкарылган эшкә уңай бәя бирде.
Аннары ул СВО катнашучысы белән очрашты. Айдар Рәис улы үзенә ярдәм кирәкме дип кызыксынды һәм аның мәсьәләләрен хәл итүдә ярдәм итәргә вәгъдә итте.
Депутатның эш сәфәре Чистай халкы белән аларның проблемалары турында фикер алышу белән тәмамланды. Килгән барлык сорауларны ул үз компетенцияләре чикләрендә шәхси контрольгә алды.