Дәүләт Думасы депутаты ветераннарны якынлашып килүче бәйрәм белән котлады!

2023 елның 3 мае, чәршәмбе

Бүген Дәүләт Думасы депутаты Морозов Олег Викторович исеменнән Чистай муниципаль районы башлыгының беренче урынбасары Константин Иванов, шулай ук "Чистай" мәдәни үзәге җитәкчесе Назия Заһретдинова якынлашып килүче бәйрәм - Бөек Ватан сугышы ветераннары Хәйруллин Нәкыйп Мөбарәкшевич һәм Иванов Вениамин Петровичны Җиңү көне белән котладылар һәм бүләкләр тапшырдылар.

"Сезнең Ватаныбыз өчен эшләгәннәрегез киләчәк буыннар хәтерендә һәрвакыт калачак. Сез коточкыч вакыйгаларны үз күзләрегез белән күргән һәм сугыш тизрәк тәмамлансын өчен бар көчегезне куеп тырышкан кешеләр! Олег Викторович исеменнән һәм шәхсән үз исемемнән Сезгә зур рәхмәт! Сезгә ныклы сәламәтлек һәм озын гомер. Якынлашып килүче бәйрәм-Җиңү көне белән! Константин Иванов котлады.