Чистай шәһәрендә 2023 елның 100 нче никах парын теркәделәр

2023 елның 2 мае, сишәмбе

Чистай муниципаль районы Башкарма комитетының ГХАТ бүлегендә Сабина белән Булат Әхмәтовлар никахларын теркәү тантанасы булды.

Яшьләр өчен бу дулкынландыргыч вакыйга икеләтә истәлекле булды: алар 2023 елда Чистай муниципаль районында гаилә корган 100-нче пар булды, бу яшь гаилә өчен көтелмәгән яңалык иде.

ГХАТ бүлеге начальнигы Илмира Ярмушева аларга беренче гаилә документын - никахлашу турында таныклык һәм истәлекле бүләк тапшырды.

 Яшьләрне гаилә корулары белән котлыйбыз! Сөю һәм тугрылык, үзара аңлашу һәм ихтирам белән бергә тормыш юлыннан баруларын телибез! Бәхетле булсыннар!