Террорчылыкка каршы комиссиянең һәм Чистай районы оператив штабының чираттагы утырышы булды.
Чистай районының террорчылыкка каршы комиссиясе һәм Оператив штабы утырышында җәмәгать иминлеген көчәйтү мәсьәләләре буенча фикер алыштылар.
Киңәшмәне муниципаль район башлыгы Дмитрий Иванов үткәрде.
Утырышның көн тәртибе биш сораудан тора, аларның беренчесе булачак бәйрәмнәргә кагыла. 1 Май һәм Җиңү көненә багышланган бәйрәм чараларын әзерләү һәм үткәрү чорында Чистай районында террорчылык һәм экстремистлык күренешләрен профилактикалау, җәмәгать һәм янгын куркынычсызлыгын көчәйтү чаралары турында Эчке эшләр министрлыгының полиция бүлеге начальнигы урынбасары (җәмәгать тәртибен саклау буенча), полиция подполковнигы Василий Кузьмин хәбәр итте. Аның ярдәмчесе булып Чистай районы буенча күзәтчелек эшчәнлеге һәм профилактика эше бүлеге начальнигы урынбасары Госман Гатин чыгыш ясады.
Гражданнарның күпләп катнашуы белән бәйрәм чаралары узачак барлык урыннар кинологлар тарафыннан хезмәт этләре белән тикшереләчәк һәм эчке эшләр бүлеге хезмәткәрләре тарафыннан сак астына алыначак. Шулай ук шәһәрнең үзәк мәйданында һәм Скарятин бакчасында, җәмәгать иминлеген тәэмин итү максатыннан, гражданнарны Үзәк мәйданга кертү бары тик контроль-үтү пунктлары аша гына башкарылачак.
Бәйрәм чараларын үткәрү чорында күзәтчелек эшчәнлеге, шулай ук ПСЧ-67 хәрби расчеты хезмәткәрләренең дежурлыгы оештырылачак. Фейерверк өчен җаваплы оешма белән салютны эшләтеп җибәргәндә янгын куркынычсызлыгы чараларын тәэмин итү буенча барлык мәсьәләләр дә тикшерелде.
Утырышта шулай ук Яшьләр үзәге директоры Марина Елисеева да чыгыш ясады, ул терроризм һәм экстремизмны профилактикалау буенча максатчан программа чараларының үтәлеше турында сөйләде.
«Аерым игътибар» категориясендәге кешеләр белән профилактик эшне камилләштерү, анда психологлар, идеологлар һәм теологларның катнашуы турында шәһәр башлыгы урынбасары, МРГ җитәкчесе Михаил Ксенофонтов хәбәр итте.
Чистай-Высельск авыл җирлегендә экстремизмга каршы тору һәм миграция законнарын үтәүне тәэмин итү буенча чараларның ничек тормышка ашырылуы турында авыл җирлеге башлыгы Сергей .имов сөйләде. Утырыш районның террорчылыкка каршы комиссиясе секретаре докга Заглядова доклады белән тәмамланды. Ул киңәшмәдә катнашучыларга Террорчылык Куркынычын билгеләгәндә АТК гамәлләре планын актуальләштерү турында сөйләде.