Мобильләнгән чистайлы ирнең хатынын, бала белән бергә, бала тудыру йортыннан чыгарганнар.
Перинаталь үзәк хезмәткәрләре һәм Чистай районы җитәкчелеге гаилә өчен тантаналы чыгарылыш оештырды. Бүләкләр һәм теләкләр белән бала тудыру йортына муниципаль район башлыгының беренче урынбасары Константин Иванов килде.
- Сезне баланың тууы белән котлыйбыз. Аны һәрвакыт игелекле, акыллы кешеләр чолгап алсын. Кызга бәхет, мәхәббәт, җылылык һәм кайгырту белән тулы дөньяда үсәргә телим. Иң мөһиме, әти тизрәк исән - сау өйгә кайтсын, - диде Константин Валентинович.
Чистай районы башлыгы Дмитрий Ливанов исеменнән гаиләгә яңа коляска бүләк иттеләр. Сәламәтлек саклау министрлыгыннан бүләк итеп хатынга яңа туган бала өчен тартма тапшырдылар, анда барлык кирәкле әйберләр җыелган. Яңа туган баланың әнисен котладылар, бүлек мөдире Вячеслав Карташов һәм ЗАГС бүлеге җитәкчесе Илмира Ярмушева бүләкләр тапшырдылар.