Яшь чистайлылар юл йөрү кагыйдәләре буенча рәсемнәр конкурсында катнаштылар
Яшь чистайлылар арасында пропаганда эше каникулларның эссе көннәрендә дә актив дәвам итә.
Бу юлы ЮХИДИ бүлегенең пропаганда инспекторы Айрат Хаматшин һәм “Юл хәрәкәте иминлеге” ДБУнең Чистай бүлеге башлыгы Светлана Сидорова Скарятин бакчасында рәсемнәр тематик конкурсын уздырдылар. Анда «Камалия» ял итү үзәгендә шөгыльләнүче малайлар һәм кызлар катнашты.
- “Камалия” үзәге җитәкчелеге һәм коллективы тарафыннан балалар юл-транспорт травматизмын профилактикалау буенча шактый эш башкарыла, аларның шәкертләре безнең уртак чараларда да да даими катнашалар, - дип билгеләп үтә Светлана Сидорова.
Айрат Хәмәтшин, үз чиратында, малайларга һәм кызларга юл өлешендә үз-үзеңне куркынычсыз тоту кагыйдәләре, велосипедта йөрү кагыйдәләре, скутер турында искәртте, һәрвакыт юл әлифбасына иярергә чакырды.
Конкурс өч номинация буенча узды: «Минем дустым велосипед», «Светофор - безнең ярдәмче», «Куркынычсыз күчеш». Балалар, бирелгән темага үз карашларын белдереп, аерым бер дәрт белән эшкә тотындылар. Соңыннан алар үзләренең иҗади эшләрен якладылар. Конкурста катнашучыларның барысы да бүләкләр алды.