Җирле үзидарә көнендә Чистайда бәйрәм концерты узды
Чарада муниципаль хезмәт ветераннары, башкарма комитетның, район Советының, авыл җирлекләренең, шәһәр хакимиятенең төрле бүлекләре хезмәткәрләре катнашты.
«Чистай» мәдәни үзәгендә Җирле үзидарә көненә багышланган бәйрәм концерты булды. Чарада муниципаль хезмәт ветераннары, башкарма комитетның, район Советының, авыл җирлекләренең, шәһәр хакимиятенең төрле бүлекләре хезмәткәрләре катнашты.
Чистай районы башлыгы Дмитрий Иванов җыелганнарга котлау сүзләре белән мөрәҗәгать итте.
- Кадерле коллегалар, хөрмәтле ветераннар, сезне матур залда сәламләргә шат. Шәһәр һәм район кешеләренең тормышы сезнең белән бәйле. Без никадәр килешеп эшләсәк, халык өчен теге яки бу хезмәтләр шулкадәр сыйфатлы үткәреләчәк. Без республика һәм федераль дәрәҗәдә аерылдык. Төрле грантлар оттык, районыбыз үсешенә өстәмә акчалар җәлеп итә алдык. Бу алга таба эшләү өчен зур стимул бирә. Сезнең белән бергә башкарган эшегез өчен рәхмәт сезгә. Сезгә һәм гаиләләрегезгә нык сәламәтлек, уңай хис-кичерешләр, бәхет, сәламәтлек, иминлек телим! - диде Дмитрий Алексеевич.
Күпьеллык намуслы хезмәте һәм җирле үзидарә органнары эшчәнлегенең нәтиҗәлелеген арттырудагы казанышлары өчен муниципаль хезмәткәрләргә ТР Дәүләт Советы рәисе, Чистай районы башлыгы Рәхмәт хатлары, Мактау грамоталары, “Татарстан Республикасы Муниципаль берәмлекләре Советы” ассоциациясенең Рәхмәт хатлары һәм башка бүләкләр тапшырылды.
Җирле һәм чакырылган солистлар, коллективлар үзләренең иҗат номерларын бүләк иттеләр.