«Татнефть Олимп» спорт мәктәбе» МБУ кунаклары - ветераннар (пенсионерлар) советы әгъзалары булды
Ветераннар Советы әгъзалары (пенсионерлар) «Чистай шәһәре һәм Чистай районы спорт тарихы» экспозициясендә булдылар, ул «Татнефть Олимп» спорт мәктәбендә.
Әлеге экспозицияне булдыру инициативасын белдерде һәм «Бетар» ПКП президенты Зайцев Владимир Иванович матди ярдәм күрсәтте, ә инициативаны спорт мәктәбе директоры Хәмәтов Рөстәм Гарип улы хуплады.
Мәктәптә тәрбияләнүчеләрнең спорт казанышларына зур игътибар бирелә. Шул максат белән балаларның физик, интеллектуаль, әхлакый һәм рухи үсеше, актив һәм сәламәт яшәү рәвешен популярлаштыру өчен максималь шартлар тәэмин итә торган бердәм тәрбияви киңлек булдырыла, - дип сөйли спорт ветераннары советы рәисе Александр Оленин, мәгълүмат җыю һәм экспозицияне бизәү буенча турыдан-туры катнашучы.
Тамашачылар игътибарын җиңел атлетика буенча Олимпия чемпионы Лилия Нуретдинова турында мәгълүмат җәлеп итте. Танылган спорт осталары һәм халыкара класслы спорт мастерлары турында мәгълүмат ачык һәм күрсәтмә итеп күрсәтелде.
СССРның, Россиянең һәм Татарстанның атказанган тренерлары турында стендта бик күп кызыклы мәгълүмат бар. Болар - Мәгатс Сәхәбетдинов, Әдип Нуруллин, Фоат Уразгильдеев һ.б. Экспозициягә килүчеләр, физик культураның атказанган хезмәткәрләре турында тәкъдим ителгән мәгълүмат белән рәхәтләнеп танышуларын билгеләп үттеләр, алар арасында, һичшиксез, якташларыбыз Лыков Георгий Иванович һәм Галиев Шамил Хәсән улы да бар.
Ышаныйсы килә, дип билгеләп үтте Ольга Добронравова, ветераннар (пенсионерлар) советы рәисе, халыкның барлык төркемнәрен Чистай шәһәре һәм районы спорт тарихын өйрәнүгә максималь җәлеп итү чистайлыларның спорт казанышлары турында тарихи мәгълүматны өйрәнергә генә түгел, ә иң мөһиме - спортка һәм сәламәт яшәү рәвешенә уңай караш тудырырга ярдәм итәчәк.