Чистай ГХАТ идарәсендә Каргалы гимназиясе кунакта
2022 елның 15 гыйнварында Чистай районы Каргалы авылыннан Чистай муниципаль районы Башкарма комитетының ЗАГС бүлегенә «Каргалы гимназиясе»муниципаль бюджет гомуми белем бирү учреждениясе укучылары килде.
Никахлашу сарае фойесында укучыларны ГХАТ бүлеге җитәкчесе Динара Наил кызы Җәләлова каршы алды. Балалар, танышкач, ЗАГС урнашкан борынгы сәүдәгәрләр йортының биналарын кызыксынып карадылар. ГХАТ бүлегенең кеше тормышындагы роле, туу, никах, үлем турында күзаллаулар алдылар.
Гаиләнең мәгънәсе, гаилә кыйммәтләрен ныгыту, әхлак һәм фәхизия турында сөйләштеләр.
Балалар үзләренең тормыш шартлары белән уртаклаштылар. Үсмерләрнең үз максатларына ныклы адымнар ясаулары, яхшы укулары, югары уку йортларына керергә хыялланулары аеруча сөендерде. Балаларга барлык изге башлангычларда да уңышлар телибез!