Җинаятьчеләрне эзләү хезмәткәрләре талауны ачты
Көч кулланып талау 22 июньдә көндез була. 88 яшьлек пенсионерга билгесез ир кыйнаган һәм 46.900 сум күләмендә акча алган.
Полицейскийларга зыян күрүче шәһәрнең үзәк урамында урнашкан банкоматларның берсендә бер сәгать тирәсе акчаны карточкадан алуы турында сөйли. Юлда таныш булмаган ир-ат килүен күреп ала. Горький урамында ир пенсионерны куып тота, аңа һөҗүм итә, кыйный һәм акчасын тартып ала.
Зыян күрүче РҮХнә медицина ярдәме сорап мөрәҗәгать итә һәм полициягә хәбәр итә.
Шул ук көнне җинаятьчеләрне эзләү хезмәткәрләре оператив чаралар барышында каракны ачыклаган. Ул элек Олы Талкыш авылында яшәүче 52 яшьлек ир булып чыга.
Ирне шул ук көнне тоткарлыйлар, урланган әйбернең бер өлешен алалар, ул 7000 сумга якын спиртлы эчемлекләргә, тәмәке һәм азык-төлеккә тотарга өлгергән.
Тикшерү бүлеге тикшерүчесе тарафыннан РФ Җинаять кодексының 161 маддәсе буенча «Талау»эше кузгатылган.