Эшлекле сишәмбе
Чистай муниципалитетында узган аппарат киңәшмәсенең төп темалары-коммуналь өлкә проблемалары, яшьләр хокук саклау хәрәкәте эшчәнлеге, АПК эше, оператив хәл. Аны муниципаль район башлыгы Дмитрий Иванов онлайн-режимда үткәрде.
Башта Дмитрий Алексеевич Россия Федерациясе Хисап палатасы башлыгы Сергей Вадимович Степашин кул куйган фәнни, укыту-белем бирү, мәдәни-агарту, мәгълүмати проектларда актив катнашканы өчен Чистайда Император Палестин җәмгыятенең Халыкара иҗтимагый оешмасы рәисе Сергей Салеевка «Алексей Афанасьевич Дмитриевский исемендәге Медаль» дигән мактаулы билге тапшырды.
Аерым игътибар – хокук бозуларны профилактикалауга һәм патриотик тәрбия бирүгә
«Форпост» яшьләр хокук саклау хәрәкәте эшчәнлеге турында мәгълүмат белән «Форпост» үзәге директоры Лариса Галиева чыгыш ясады. Бүген «Форпост» яшьләр хокук саклау хәрәкәте – 470 кешене колачлаган 34 формирование, аңа 14 яшьтән 25 яшькә кадәрге укучылар һәм студентлар, егетләр һәм кызлар керә.
Яшүсмерләр һәм яшьләр арасында хокук бозуларны кисәтү, деструктив яшьләр белән эшләү, аны әлеге чараларга, берләшмәләргә һәм секцияләргә җәлеп итү, җәмәгать тәртибен саклау һәм үстерү өстенлекле юнәлешләр булып тора.
Үсеп килүче буынга патриотик тәрбия бирүгә аерым игътибар бирелә.
Чәчү мәйданнары 100 мең гектардан артык тәшкил итәчәк
Авыл хуҗалыгы формированиеләренең язгы кыр эшләренә әзерлеге турында авыл хуҗалыгы һәм азык-төлек идарәсе башлыгы Александр Ромадановский сөйләде. Район кырларында эшләр көзге культураларны тукландыру белән башланачак. Бүгенге көндә 20 мең гектарда чәчелгән, шуның 18 меңе - көзге бодай, 2 меңе-көзге арыш. Россельхозүзәк мәгълүматлары буенча, аларның 98 проценты Яхшы.
Быел минераль ашламалар туплау буенча район хуҗалыклары узган елгы күрсәткечләрдән шактый алда бара. «Чистай» агрофирмасында, «Чишмә», «Волга Селект», «Кама аръягы Агро»предприятиеләрендә яхшы нәтиҗәләргә ирештеләр.
Хәзерге вакытта барлык хуҗалыклар да эш планнарын кабул иттеләр. Чәчү мәйданнары узган ел дәрәҗәсендә кала-100 мең гектардан артык. Орлыклар белән тәэмин ителеш әйбәт.
3 машина йөртүче исерек килеш руль артына утырды
Атнадагы оператив хәлләр турында Россия Эчке эшләр министрлыгының Чистай районы буенча бүлеге башлыгы урынбасары Сергей Атуров хәбәр итте. Җинаятьләр турында барлыгы 8 хәбәр килде. Сводкада-3 урлау, 2 мошенниклык факты, наркотиклар сату, исерек хәлдә транспорт чарасы белән кабат идарә итү, административ күзәтчелек бозу фактлары буенча. Юл хәрәкәте кагыйдәләрен бозган өчен 277 кеше тоткарланган, исерек килеш транспорт чарасы белән идарә иткән өчен – 3. Җәяүлеләрне 2 тапкыр бәрдергән. 27 юл-транспорт һәлакәте булган, аларда 2 кеше төрле дәрәҗәдәге тән җәрәхәте алган. Җәмәгать урынында исерек хәлдә күренгән өчен – 12, наркотик матдәләр кулланган өчен – 1, махсус хезмәтләрне белә торып ялган чакыру өчен - 5 кеше административ җаваплылыкка тартылган.
Соңыннан муниципаль район башлыгы коммуналь хезмәтләргә шәһәр урамнарыннан кар чыгаруны активлаштырырга кушты, предприятие һәм оешма җитәкчеләренә биналарның түбәләрен кардан һәм боздан вакытында чистарту турында искәртте.