Эшлекле сишәмбе
Чистай муниципалитетында узган аппарат киңәшмәсенең төп темалары коммуналь өлкәдәге проблемалар, дуңгызларда африка чумасын профилактикалау, АПК эше, оператив хәлләр булды.
Муниципаль район башкарма комитеты җитәкчесе Эдуард Хәсәнов аны онлайн-режимда үткәрде.
Киңәшмә уңай нотадан башланды: «Россия Студентлар отрядлары» бөтенроссия яшьләр иҗтимагый оешмасының «студентлар отрядларында актив эш алып барган өчен» мактау билгесе белән яшьләр үзәге директоры урынбасары Екатерина Магилатова бүләкләнде. Эдуард Рөстәмович аны лаеклы бүләге белән котлады, киләчәктә дә уңышлар теләде.
Район АЧС буенча янаучы икенче зонага керде
Муниципаль районда дуңгызларда африка чумасын профилактикалау чаралары турында район дәүләт ветеринария берләшмәсе башлыгы Нияз Дәүләтханов сөйләде. Хәзерге вакытта республикада 6 АЧС учагы ачыкланган: берсе-Алабуга, Әлмәт, 4се-Зәй районында. Шуңа бәйле рәвештә Чистай районы яный торган 2 нче зонага керде (эпизоотик чыганактан 100-150 км тирәнлектәге беренче янау зонасын тасвирлый торган территория). Район территориясенде тере дуңгызларны һем дупгызларны сую продуктларын сату тыела, дупгызларнып тубеләрен һем патологик Материалларны тикшеру очен ветеринария лабораториялерене почта аша кучеру тыела. Барлык дуңгыз баш санын исәпкә алу үткәрелә. Дуңгызлар көтүе тыела.
Чистай районында дуңгызлар үрчетү белән шөгыльләнүче авыл хуҗалыгы предприятиеләре юк, әмма шәхси ярдәмче хуҗалыкларда районның 25 торак пунктында 764 баш терлек асрала. АЧСның профилактик чараларын аңлату буенча хайваннар хуҗалары белән эш «Чистопольские известия»газетасы аша аерым алып барыла.
Район хуҗалыклары 450 баш бозау тулыланды
Авыл хуҗалыгы предприятиеләре эше турында авыл хуҗалыгы һәм азык-төлек идарәсе башлыгы Александр Ромадановский сөйләде. Февраль аенда район хуҗалыкларында 1697 тонна сөт җитештерелгән, 1527 тонна сатылган. Акча кереме 36 миллион 700 мең сум тәшкил иткән, бу узган елның шул ук чоры белән чагыштырганда 4 процентка артыграк.
Узган айда шулай ук 137 тонна терлек һәм кош ите җитештерелгән. Яңадан җитештерү буенча эш дәвам итә, ел башыннан 1150 баш бозау, февраль аенда 450 баш бозау алынды.
Авыл хуҗалыгы формированиеләрендә техниканы ремонтлау һәм минераль ашламалар кертү эше дәвам итә.
7 шофер исерек килеш йөргән өчен җәза алачак
Атнадагы оператив хәлләр турында Россия Эчке эшләр министрлыгының Чистай районы буенча бүлеге начальнигы урынбасары – полиция начальнигы Ранил Нәбиуллин хәбәр итте. Җинаятьләр турында барлыгы 9 хәбәр килде. Сводкада-6 урлау, 1 мошенниклык, наркотикларны алу, административ күзәтчелек бозу факты буенча. Юл хәрәкәте кагыйдәләрен бозган өчен – 257, исерек килеш транспорт чарасы белән идарә иткән өчен-7 кеше тоткарланган. 21 юл-транспорт һәлакәте булган, аларда 2 кеше төрле дәрәҗәдәге тән җәрәхәте алган. Административ җаваплылыкка 407 кеше тартылган.
Ахырда Эдуард Рөстәмович шәһәрлеләр өчен су белән тәэмин итү һәм урамнарны соңгы көннәрдә күпләп яуган кардан чистарту буенча мөһим проблемаларга тукталды, яшәешне тәэмин итү хезмәтләренә булган проблемалар буенча сыйфатлы һәм оптималь срокларда эшләргә кушты.