Пенсия яшендәге хезмәткәрләрнең хокукларын үтәү мәсьәләсе буенча киңәшмә

2020 елның 27 июне, шимбә

2020 елның 26 июнендә "Чистай-Водоканал" АҖдә яшәү дәрәҗәсен күтәрү һәм керемнәрне легальләштерү буенча территориаль ведомствоара комиссиянең чираттагы утырышы узды.

Утырышта пенсия алды яшендәге гражданнарның хокукларын үтәү, хезмәт шартларын махсус бәяләү мәсьәләләре каралды.

Тикшерү барышында закон бозу очраклары ачыкланмады.

Чистай муниципаль районы башкарма комитеты искәрткәнчә, эштән китүгә мәҗбүр иткән, эштән азат итү, отпуск бирмәгән, эш вакыты һәм ял вакыты режимын бозган һәм хезмәт законнарын бозган өчен штраф салу каралган.