Республикада гомуми изоляция режимын кертүгә бәйле рәвештә гражданнар һәм оешмаларның җаваплылыгы турында
Татарстан Республикасы Министрлар Кабинетының 2020 елның 30 мартындагы 234 номерлы карары белән яңа коронавирус инфекциясе таралуга, шулай ук гражданнарның һәм транспорт чараларының хәрәкәтен чикләү белән бәйле кайбер яңа чаралар кертелде.
Элек билгеләнгән тыюлардан тыш, ваклап сату объектлары, даруханәләр, даруханә пунктларыннан тыш, азык-төлек товарларын сата торган объектлардан, гомуми мәйданы 100 кв.метрдан ким булган, Россия Федерациясе Хөкүмәтенең 2020 елның 27 мартындагы 762-р номерлы күрсәтмәсе белән расланган азык-төлек булмаган товарлар исемлегенә кертелгән, шулай ук мобиль элемтә хезмәтләре күрсәтүгә шартнамәләр төзү гамәлгә ашырыла торган объектлардан тыш, эш чикләнгән.
30.03.2020 дән 65 яшьтән өлкәнрәк гражданнарга, шулай ук 30.03.2020 ел, № 234 карарның кушымтасында күрсәтелгән авырулар булган затларга, гомерләренә һәм сәламәтлегенә турыдан-туры янау очракларыннан тыш, яшәү (тору) урыннарыннан китү тыела. Эш урынында булу эш бирүченең эшләвен тәэмин итү өчен, эш бирүченең Татарстан Республикасы Министрлар Кабинеты тарафыннан билгеләнгән форма буенча документы (белешмәсе) булганда, критик яктан мөһим булган оешма һәм хакимият органнары җитәкчеләре һәм хезмәткәрләре өчен искәрмә ясалды. Башка гражданнарга яшәү (тору) урыннарыннан бары тик максатларда гына китәргә рөхсәт ителә: - ашыгыч (кичектергесез) медицина ярдәме сорап мөрәҗәгать итү һәм тормышка һәм сәламәтлегенә турыдан - туры янау очраклары; - эшчәнлегенә чикләү билгеләнмәгән якындагы сәүдә объектына бару; - яшәү (тору) урыныннан 100 метрдан артмаган арада йорт хайваннарын урамда йөртү; - калдыкларны якындагы җыелган урынга кадәр чыгару.
Әгәр гамәлдәге законнар нигезендә туктатылмаган эшчәнлекне гамәлгә ашыруга бәйле булса, Татарстан Республикасы территориясе буенча хәрәкәт эш бирүченең Татарстан Республикасы Министрлар Кабинеты тарафыннан билгеләнгән форма буенча документ (белешмә) нигезендә рөхсәт ителә. Паркларга, урман паркларына керү һәм аларда булу тыела, бу объектларга хезмәт күрсәтүче оешмалар хезмәткәрләреннән тыш. Муниципальара пассажирлар һәм багаж ташу чикләнгән. Татарстан Республикасыннан йөкләр җибәрүгә, шулай ук йөкләр ташуга бәйле рәвештә Татарстан Республикасы чикләрендә йөкләр ташуга җибәрүче оешма тарафыннан Министрлар Кабинеты билгеләгән форма буенча бирелгән белешмә булганда рөхсәт ителә.
«Халыкның санитар-эпидемиологик иминлеге турында» 1999 елның 30 мартындагы 52-ФЗ номерлы Федераль законның 1, 6 һәм 31 статьялары нигезендә Россия Федерациясе субъектлары дәүләт хакимияте органнары барлык физик һәм юридик затлар, шулай ук милек рәвешләренә бәйсез рәвештә оешмалар тарафыннан тайпылышсыз үтәлергә тиешле чикләү чараларын кертергә хокуклы. Билгеләнгән тыюларны һәм чикләүләрне тикшерү санитар-эпидемиологик күзәтчелек һәм эчке эшләр органнары тарафыннан башкарылачак. Халыкның санитар-эпидемиологик иминлеген тәэмин итү өлкәсендәге законнарны бозган өчен гаепле затлар РФ КоАП 6.3 статьясы буенча административ җаваплылыкка тартылачак.
Игътибар итегез,урамда һәм балигъ булмаганнарның башка җәмәгать урыннарында булуы (ата-аналардан башка) ата-аналарны РФ КоАП 5.35 статьясы буенча административ җаваплылыкка тартырга мөмкин.
Прокуратура халыкны шәхси аңлылык күрсәтергә һәм хакимият органнары кабул иткән чараларга тулы җаваплылык белән карарга чакыра.