Татарстан Эчке эшләр министрлыгы коронавирус инфекциясе таралуны кисәтү буенча чараларны тормышка ашыра
Татарстан Республикасы Министрлар Кабинетының «Татарстан Республикасында яңа коронавирус йогышы таралуны булдырмау чаралары турында «2020 елның 19 мартындагы 208 номерлы карарына үзгәрешләр кертү хакында» 2020 елның 30 мартындагы 234 номерлы Карарын гамәлгә ашыру кысаларында Татарстан Республикасы буенча Эчке эшләр министрлыгы гражданнарны һәм хезмәткәрләрне коронавирус инфекциясе таралудан саклауга юнәлдерелгән өстәмә чаралар күрде.
Аерым алганда, Татарстан Республикасы буенча Эчке эшләр министрлыгы «Имин шәһәр» видеокүзәтү системасы, полиция патруль-пост хезмәте һәм Дәүләт автоинспекциясе экипажлары ярдәмендә халыкның һәм автомобильчеләрнең үз-үзләрен изоляцияләү зонасыннан тыш җитди сәбәпсез булу-булмавына мониторинг ясый.
Закон бозучыларга карата административ йогынты чаралары кулланылачак.
Татарстан Республикасы буенча Россельхознадзор күзәтү идарәсенең Дәүләт ветеринар күзәтчелеге бүлегенең дәүләт инспекторы тарафыннан, Татарстан Республикасы Әлмәт шәһәрендә эшмәкәрлек белән шөгыльләнүче шәхси эшмәкәр "Фасхутдинов Л.м." га карата планнан тыш тикшерү үткәрелде.
Документ нигезендә, әгәр гражданин авыру таралу куркынычы янаган шартларда карантин режимы бозса, аңа 15 мең сумнан алып 40 мең сумга кадәр штраф яный. Вазыйфаи затлар өчен - 50 мең сумнан 150 мең сумга кадәр, юридик затлар өчен-200 мең сумнан 500 мең сумга кадәр штраф яки 30 тәүлеккә кадәр эшчәнлекне административ туктатып тору рәвешендә җәза билгеләнә.
Әгәр күрсәтелгән хокук бозулар кеше сәламәтлегенә зыян китерүгә яки кеше үлеменә китергән булса, ләкин җинаять билгеләре юк икән, штраф күләме гражданнар өчен 150 мең сумнан 300 мең сумга кадәр, вазыйфаи затлар өчен - 300 мең сумнан 500 мең сумга кадәр, юридик затлар өчен - 500 мең сумнан алып 1 млн сумга кадәр яки 90 тәүлеккә кадәр эшчәнлекне административ туктатып торуга китерә.