Яңа коронавирус йогышы таралуга каршы торуга юнәлдерелгән чикләү чараларын үтәмәгән өчен җаваплылык турында
Хәзерге вакытта федераль хакимият органнары тарафыннан коронавирус инфекциясе таралуга каршы көрәш буенча киң чаралар комплексы кабул ителә.
Россия Федерациясе территориясендә яңа коронавирус йогышын китереп чыгаруны һәм таратуны кисәтү буенча оператив штаб киңәшмәләре нигезендә республика дәрәҗәсендә шулай ук чикләү чаралары күрелгән. Шулай итеп, 2020 елның 21 мартыннан республика территориясендә кальян бирү буенча хезмәт күрсәтүгә, шулай ук 20 һәм аннан да күбрәк кеше булган спорт, тамаша, гавами һәм башка чаралар үткәрүгә вакытлыча тыю кертелгән. Татарстан Республикасы Министрлар Кабинетының 2020 елның 25 мартындагы 218 номерлы карары нигезендә республика территориясендә спорт үзәкләре, йөзү бассейннары, фитнес-үзәкләр, кинотеатрлар (кинозаллар), Төнге клублар (дискотекалар), балалар уен бүлмәләре, балалар күңел ачу үзәкләре һәм башка күңел ачу оешмалары эшчәнлеге туктатыла.
Күрсәтелгән чикләү чаралары «халыкның санитар-эпидемиологик иминлеге турында» 1999 елның 30 мартындагы 52-ФЗ номерлы Федераль законның 31 статьясы нигезләмәләренә нигезләнә һәм милек рәвешләренә бәйсез рәвештә барлык физик һәм юридик затлар, оешмалар тарафыннан тайпылышсыз үтәлергә тиеш.
Исегезгә төшерәбез, эпидемиягә каршы чараларны үтәмәү гаепле затларны РФ КоАП 6.3 статьясы буенча административ җаваплылыкка тартуга китерә. Җәза-штраф яки 90 тәүлеккә эшчәнлекне административ туктатып тору. Саксызлык аркасында кешеләр күпләп авыруга яки агулануга, шулай ук саксызлык аркасында кешенең үлеменә китергән санитар-эпидемиологик кагыйдәләрне бозу Россия Федерациясе Җинаять Кодексының 236 статьясы нигезендә җинаять җаваплылыгына китерә. Бу җинаятьләр өчен максималь җәза-биш елга кадәр иректән мәхрүм итү.
Чистай шәһәр прокуратурасы Чистай районы халкын халыкның тормышын һәм сәламәтлеген саклау буенча хакимият органнары тарафыннан күрелә торган чараларга аңлап һәм тулы җаваплылык белән карарга чакыра. Закон белән билгеләнгән җаваплылыкка тартылмас өчен, эшкуарлык җәмәгатьчелеге вәкилләренә яңа коронавирус инфекциясе таралуга ярдәм итүче вакытлыча тыелган һәм башка төр эшчәнлекне туктатып торырга тәкъдим итәбез.