Сораштырылган яшьләрнең 63 % ы муниципаль район җитәкчелегенә ышана
Сораштырылучыларның 19% ы җавап бирүдән тыелып калган һәм 18% ы ышанмый, дип белдергән.
Агымдагы елның сентябрендә Чистай муниципаль районында коррупциягә каршы көрәш эшен координацияләү буенча комиссия рәисе күрсәтмәсе буенча урта махсус уку йортлары һәм югары уку йортлары студентлары арасында Чистай муниципаль районында коррупциянең торышы турында анкета уздырылды. Чистай муниципаль районы Башкарма комитетының яшьләр эшләре буенча бүлеге башлыгы Дамир Хәсәнов коррупциягә каршы көрәш эшен координацияләү комиссиясе утырышында анкеталау көнкүреш коррупциясенең асылын һәм таралу дәрәҗәсен өйрәнү, коррупциячел мөнәсәбәтләр барлыкка килүгә китергән иң коррупциячел өлкәләрне һәм факторларны ачыклау максатыннан үткәрелде, дип хәбәр итте. Яшьләр эшләре бүлеге барлыгы 250 кешедән сорашып-белешә алды, алар арасында күбесе - хатын-кызлар.
Яшьләр фикеренчә, иң коррупцияле ун һөнәрне ДАИ (ЮХИДИ) хезмәткәрләре, табиблар һәм медицина хезмәткәрләре, хәрби комиссариатлар хезмәткәрләре җитәкләде. Студентлар фикеренчә, иң аз коррупция очрагы Пенсия фонды һәм Росреестр хезмәткәрләре булды.
Мониторинг шулай ук коррупция күренешләренең районның тормыш өчен мөһим өлкәләрендә булуын күрсәтте, әмма яшь гражданнарның күбесе коррупция дәрәҗәсен киметергә мөмкин дип ышана. Сораштыру нәтиҗәләре буенча, яшьләрнең 27% ы коррупция кимү инде бара, ә аны бетерү – вакыт мәсьәләсе генә, дип саный. Сораштырылган яшьләрнең 63 % ы муниципаль район җитәкчелегенә ышана, респондентларның 19% ы җавап бирүдән тыелып калган һәм 18% ы хакимияткә ышанмый, дип белдергән.
Утырышта шулай ук финанс-бюджет палатасы җитәкчесе Наталья Карманова чыгыш ясады. 2019 елда районның 8 учреждениесе сатып алулар өлкәсендә контракт системасы турындагы закон нормаларының үтәлешен тикшерде. Тикшерү нәтиҗәләре буенча түбәндәге бозулар ачыкланды: планнарга нигезләү позицияләре тулмаган, графикта каралмаган сатып алулар башкарылган; контрактларның үтәлеше турындагы хисапларны вакытында урнаштырмау; куелган товарга, эшләргә, хезмәт күрсәтүләргә түләү сроклары сакланмаган; контрактларны рәсми сайтка вакытында урнаштыру һәм сатып алулар өлкәсендә контракт идарәчесенең өстәмә һөнәри белем булмавы.
Район башлыгының коррупциягә каршы көрәш буенча ярдәмчесе Алексей Ефимовның чыгышы әлеге закон бозуларга өстәмә булды. Ул бюджет учреждениеләре җитәкчеләрен шәхси эшләрен тикшерергә чакырды.
«Муниципаль хезмәткәрләрнең һәм муниципаль бюджет учреждениеләре җитәкчеләренең шәхси эшләрендә хөкем ителгәнлек турында мәгълүмат булырга тиеш, - дип мөрәҗәгать итте ул барлык җитәкчеләргә - иректән мәхрүм итү белән бәйле булмаган җинаять җәзаларын үтәүче, шулай ук түләнгән хөкем ителмәгән затлар муниципаль хезмәт һәм муниципаль бюджет учреждениесе җитәкчесе вазыйфаларын били алмый».
«Эшкә алганчы, претендент белән берничә чара үткәрергә кирәк. Бу бигрәк тә балалар белән эшләүчеләргә кагылырга тиеш! Без барыбыз да шәхси генә түгел, ә үзебезнең тирә - юньдәге хокук бозулар өчен җаваплы», - дип чыгыш ясады Чистай муниципаль районы башлыгы Дмитрий Иванов.