Чистай муниципаль районының Юл хәрәкәте иминлеген тәэмин итү буенча чираттагы комиссия утырышында комиссиянең 9 айдагы эшенә йомгак ясалды
18 октябрьдә Чистай муниципаль районы Башкарма комитеты җитәкчесе Эдуард Хәсәнов рәислегендә Чистай муниципаль районының Юл хәрәкәте иминлеген тәэмин итү комиссиясенең чираттагы утырышы узды.
Хисап чорында 52 юл-транспорт һәлакәтендә 9 кеше һәлак булды һәм 68 кеше төрле дәрәҗәдәге тән җәрәхәтләре алды. Утырышта катнашучылар билгеләп үткәнчә, узган елның шул ук чорында юл-транспорт һәлакәтләренең саны 32% ка кимегән. Шулай ук 2019 елда исерек хәлдәге машина йөртүчеләр гаебе белән килеп чыккан юл-транспорт һәлакәтләренең кимүе күзәтелә. Узган елның 9 аенда 15 юл-транспорт һәлакәте теркәлгән, аларда 7 кеше үлгән, 23 кеше тән җәрәхәтләре алган булса, 2019 елның шул ук чорында 8 юл-транспорт һәлакәте булган, аларда 2 кеше һәлак булган һәм 9 кеше төрле дәрәҗәдәге җәрәхәтләр алган.