Караклык турында 34 яшьлек хатын кизү частенә мөрәҗәгать итте
Игъланнар сайтында ул сыер сату турында мәгълүмат урнаштырды. Аңа сыер сатып алырга теләвен, әмма хәзерге вакытта башка шәһәрдә дип кыз-хатын шалтыратты. Ул сатучыдан карталарны сатып алырга һәм акча күчерү буенча кайбер операцияләр ясарга кушты. Зыян күрүче үзе мошенник хатын счетына 48 мең сумнан артык акча күчерде. Бераздан, үзен ялгыштыруын аңлап, ханым полициягә мөрәҗәгать итте.
Әлеге факт буенча РФ Җинаять кодексының 159 маддәсе буенча «Караклык»эше кузгатылды.
Полиция хезмәткәрләре җинаятьченең телефон номеры Чиләбе өлкәсендә теркәлгән, дип ачыклаган.
Татарстан Эчке эшләр министрлыгы кисәтә: телефонга кергән серсүзләрне һәм банк карталарына, карта әйләнешендә күрсәтелгән счетларга һәм смс – хәбәрләргә керү кодларын бернинди шартларда да атамагыз. Банк вәкилләренең берсе дә сездән әлеге мәгълүматны сорамый, ә бердәнбер дөрес телефон номеры банк картагызның кире ягында, яки язма рәвештә төзелгән килешүдә күрсәтелгән.