ТСК әгъзалары Чистайда квалификация күтәрү уздылар
Татарстанда Татарстан Республикасы Дәүләт Советына депутатлар сайлауга әзерлек тулы көченә бара
Татарстан Республикасы Үзәк сайлау комиссиясе, стартка кадәр бер айдан артык вакыт калып барган сайлау кампаниясе алдыннан, сайлауларны оештыручыларны – республика сайлау комиссияләре әгъзаларын киң колачлы план нигезендә әзерләүне алып бара.
Территориаль сайлау комиссиясе әгъзалары Чистай, Нурлат, Яңа Чишмә, Чирмешән, Әлки, Спас һәм Алексеевск районнарыннан кичә Чистайда белем алу өчен җыелдылар. Барлык катнашучыларны Чистай муниципаль районы башлыгының беренче урынбасары Константин Иванов сәламләде.
Иртәнге сәгать 9дан кичке 5 сәгатенә кадәр укулар дәвам итте. Катнашучылар сайлаучыларга мәгълүмат бирү, гражданнар гаризаларын кабул итү пунктлары эшенә кагылышлы мәсьәләләрне практикада хәл итәләр. Тәҗрибәле остазлар катнашучыларны каршы алу белән эшләргә өйрәттеләр һәм һәр очракны аерым тикшерделәр. Программаның укыту планына шулай ук интерактив лекцияләр, кейс-биремнәр һәм башка бик күп нәрсәләр кертелгән иде.
Уку тәмамлангач, Константин Иванов Татарстан Республикасы Үзәк сайлау комиссиясе секретаре Надежда Борисова белән берлектә һәр катнашучыны шәхсән котлады һәм укуын уңышлы тәмамлау турында сертификатлар тапшырды.
Алда территориаль сайлау комиссияләренең барлык әгъзаларын 2019 елның 8 сентябрендә узачак Татарстан Республикасы Дәүләт Советы депутатларын сайлауларны әзерләү һәм үткәрү буенча актив эш көтә.