Чистай мөсельманнары театр куйдылар.

Спектакльнең төп герое Илдар кечкенәдән ятим калым әбисе белән генә тәрбияләнеп үскән егет. Әбисе кечкенәдән оныгын Ислам таләпләре нигезендә тәрбияләп үстерергә тырыша. Әмма үсеп җиткәч егет дөнья мәшәкатьләре белән күбесен оныта, яки мәгънә бирми башлый. Әти әнисенең авариядә үлүенә сәбәбче шоферны гафу итә алмый, ачу саклый, фәкыйрьләнең хәлен, вакытның кадерен белми торган сыйфатлары арта башлый. Нәтиҗә- үзе дә бер көнне авариягә дучар була. Реанимациягә хастәхәнәгә эләгә. Тормыш белән үлем арасында көрәшкәндә бөтен үткән гомеренең мизгелләре күз алдыннан үтә. Ул авыр хәлдә ятканда әбисе бер туктамый аның өчен дога кылып Аллах тәгаләдән ярдәм сорый. Пьесаның финалында могҗиза - әбисенең догалары һәм төп геройның пәйгамбәребезнең васыять итеп әйтеп калдырган мирасыннан читкә тайпылмам дип тәүбә иткән Илдар яңадан терелә. Тамашачы бер сулыштан тын да алмый йотылып карады бу спектакльне. Чистай мөхтәсибе Мөхәммәд хәзрәт Кыямов әйтүенчә мондый бер тамаша дистәләгән җомга вәгазенә тиң. Шунысы шатландыра бу пьесаның авторы, куючы режиссеры “Әниләр” мәчетенең имамы Алмаз хәзрәт Сафиуллин. Төп геройларны мәчет каршындагы мәдрәсәдә укыткан мөгаллимә Рәисә ханым Мөхлисуллина һәм Чистай мәселман яшләре җитәкчесе Радик Вафин, икенчече план рольләрен һәм массовкада шәһребезнең мәчетләренә йөрүче яшьләр башкарды. Театр коллектив сәнгать җимеше, аны бары тик команда буларак оешсаң гына башкарып була, Чистай мөсельман яшьләре моны раслады.