Гражданнар җыеннары Чистай районында башланды.
Чистай Выселкасы авыл җирлеге Советының хисап утырышы авыл мәдәният йортында узды. Чарага депутатлар, Чистай муниципаль районы Башкарма комитеты җитәкчесе Эдуард Хәсәнов һәм җирле халык килде.
Авыл җирлеге башлыгы Сергей Алексеевич Сергейимов 2025 елдагы эш нәтиҗәләре турында җентекле доклад ясады һәм алдагы чорга төп бурычларны билгеләде. Ул халыкның үзара салым программасында актив катнашуын ассызыклады һәм җыелган акчаларның чыгым юнәлешләрен җентекләп яктыртты.
Чараның икенче өлешендә халыкка районның узган елгы социаль-икътисади үсеш нәтиҗәләрен чагылдырган видеоролик күрсәттеләр. Аннан соң сораулар һәм җаваплар сессиясе булды, аның барышында гражданнар үзләрен кызыксындырган сорауларны турыдан-туры Башкарма комитет җитәкчесенә бирә алды.
Аеруча кискен темалар арасында территорияләрне төзекләндерү һәм почта бүлекчәсе эшчәнлеге мәсьәләләре күтәрелде. Эдуард Хәсәнов әлеге проблемаларны хәл итүне шәхсән үзе контрольдә тотарга вәгъдә итте.
Очрашуны тәмамлап, ул район халкына һәм депутатларга конструктив хезмәттәшлек һәм район үсешенә керткән өлешләре өчен рәхмәт белдерде.