Чистай укучылары «Закон һәм тәртип»уенында коррупциягә каршы көрәш турында фикер алыштылар
Чара яшьләр үзәгендә узды
Яшьләр үзәгендә коррупциягә каршы көрәшкә багышланган «Закон һәм тәртип» интеллектуаль уены узды. Анда ике уку йорты — чистай Высельск һәм Лучово мәктәпләре укучылары катнашты. Балалар дүрт командага бүленеп, илдә коррупция күренешләренә каршы көрәш юлларын эзләп, фикер алышуга актив кушылдылар.
«Чистай яшьләре» хәбәр иткәнчә, уен барышында катнашучылар төрле бурычларны хәл иткәннәр: нейрочелтәрләр тудырган сурәтләрне шифрлаганнар, коррупциягә бәйле реаль хәлләрне тикшергәннәр, нәтиҗәле чишелешләр тәкъдим иткәннәр һәм хәтта коррупциягә каршы көрәшченең коллектив портретын да ясаганнар.
Ярыш йомгаклары буенча беренче һәм икенче урыннарны чистай Высельск мәктәбе укучылары алды, ә өченче урыннарны Лучовка мәктәбе командасы алды.