Чистай коммуналь хезмәткәрләре кышкы сезонга әзерлекне төгәллиләр.

2025 елның 21 октябре, сишәмбе

- Коммуналь хезмәтләр кышкы сезонга әзерлекне төгәллиләр. Барлык кирәкле кар җыю һәм башка махсус техника бар, алар төзек хәлдә, штат комплектланган, бозга каршы реагентлар запаста, — дип шәрехләделәр шәһәр Башкарма комитетында.

Шунысын да билгеләп үтәргә кирәк, кышкы сезонга предприятиедә 1 мең тонна ком; 3,5 мең тонна ком-тоз катнашмасы әзерләнгән. Ләкин запаслар тагын да тулыланачак әле.

Кар җыю процессында һәм гомумән шәһәр юлларын карап тоту эшендә тиешле сыйфатта 33 берәмлек махсус техника җәлеп ителәчәк.