Яңартылган "Россия эше" Чистопольдә ачылды
Ачылу тантанасында ТР хезмәт министрының беренче урынбасары Рөстәм Вәлиуллов һәм Чистай районы Башкарма комитеты җитәкчесе Эдуард Хәсәнов катнашты. Алар билгеләп үткәнчә, үзгәртеп коруның төп максаты — Чистай эш эзләүчеләре һәм эш бирүчеләре өчен заманча һәм уңайлы шартлар тудыру.
Хәзер чистайлылар күп кенә яңалыкларга бәя бирә алалар. Үзәк заманча интерактив вакансияләр банкы белән җиһазландырылган, ул хезмәт базарында бик тиз һәм уңайлы тәкъдимнәр табарга мөмкинлек бирә. Мөстәкыйль эшләү һәм онлайн-консультацияләр үткәрү өчен цифрлы хезмәт күрсәтүләрнең махсус зонасы булдырылды.
Үзәк пространствосы тулысынча үзгәртелгән һәм барлык уңайлылык таләпләренә җавап бирә. Балалар белән килүчеләрне кайгыртуга аерым игътибар бирелде — моның өчен уңайлы балалар почмагы оештырылды.
Чара кысаларында шулай ук эш бирүче партнерларга актив хезмәттәшлек һәм яшьләрне эшкә урнаштырган өчен рәхмәт хатлары тапшырылды.
Ахырда кунакларны үзәкнең яңартылган биналары буйлап уздырдылар, яңа мөмкинлекләрне шәхсән күрсәттеләр.