Җылы утырышлар һәм кулинар шатлыклары "Юлдашта".
Социаль-көнкүреш тернәкләндерү бүлмәсендә кичке очрашулар Чистайның "Юлдаш"интернат-йортында яшәүчеләр өчен күңелгә ятышлы традициягә әверелде. "Өлкән буын" федераль проектының "актив озак яшәү" программасы кысаларында биредә даими рәвештә өлкәннәр өчен кызыклы чаралар үткәрелә.
Шушы көннәрдә социаль эш буенча белгеч Анна Михеева интернат карамагындагылар өчен "карлыган шатлыгы"дигән бәлеш әзерләү буенча мастер-класс оештырган. Катнашучылар С витаминына бай кара карлыганнан тәмле сый әзерләргә өйрәнеп кенә калмадылар, камыр әзерләү серләрен дә белделәр.
Мондый очрашулар өлкәннәргә истәлекләре белән уртаклашырга, яраткан җырларын җырларга һәм тормыш тарихларын сөйләргә мөмкинлек бирә. Кайнар үлән чәе белән тулыландырылган уңайлы атмосфера интернатта яшәүчеләргә кайгырту һәм игътибар хисе тудыра.
Мондый чаралар күңел ачу гына түгел, өлкән буынның активлыгына һәм тормышка кызыксынуына ярдәм итә, бу "Юлдаш"та гамәлгә ашырыла торган социаль проектларның төп максаты булып тора.