Татарстанда Җиңү көнен иң яхшы уздыруга республика видеоконкурсы старт алды
2025 елның 1 маеннан 20 июненә кадәр Татарстанда төбәкнең муниципаль берәмлекләре арасында Җиңү көненә багышланган чараларны иң яхшы уздыруга багышланган республика видеоконкурсы уза. Бу хакта Таткультресурс үзәге хәбәр итә.
Конкурс 1941-1945 еллардагы Бөек Ватан сугышында Җиңүнең 80 еллыгына багышланган һәм Татарстан Республикасы Мәдәният министрлыгы, «Татарстан Республикасы Муниципаль берәмлекләре Советы» Ассоциациясе һәм «Татарстан Республикасы мәдәният өлкәсендә инновацияләр кертү һәм традицияләрне саклау ресурс үзәге»ДБУ тарафыннан оештырылган.
Конкурс ике этаптан тора:
I этап: 2025 елның 1 маеннан 19 маена кадәр — гаризалар һәм конкурс материаллары кабул итү.
II этап: 2025 елның 20 маеннан 30 маена кадәр — конкурс комиссиясе эше һәм җиңүчеләрне билгеләү.
Нәтиҗәләр 2025 елның 20 июнендә ясалачак.
Катнашу өчен Татарстан Муниципаль берәмлекләре 2025 елның 19 маена кадәр «Таткультресурсүзәк» дәүләт бюджет учреждениесенә документлар пакетын, гаризаны, уздырылган чаралар турында мәгълүматны, шулай ук Җиңү көне уңаеннан оештырылган төп вакыйгаларны һәм акцияләрне чагылдырган һөнәри видеоролик бирергә тиеш.
Документлар электрон рәвештә электрон почта адресына кабул ителә niyazkarimullin@yandex.ru хатның темасына: «республика видеоконкурсы_муниципаль берәмлек исеме»дигән тамга белән.
Быел Россиядә Бөек Ватан сугышында Җиңүнең 80 еллыгы билгеләп үтелә. Шулай ук РФ Президенты Владимир Путин карары буенча 2025 ел Ватанны саклаучылар елы дип игълан ителде. Күптән түгел Татарстан Республикасы Рәисе Рөстәм Миңнеханов сугыш ветераннарына бүләкләр тапшырды. Ул билгеләп үткәнчә, Россиянең бүгенге йөзендә аларның һәркайсының зур өлеше бар.