Полиция хезмәткәрләре велосипед һәм самокат хуҗаларын үз транспортының сакланышы турында кайгыртырга чакыра. Җинаятьчеләрне котыртмагыз, үз мөлкәтегезне караучысыз калдырмагыз!
29 апрельдә Чистай районы буенча Россия Эчке эшләр министрлыгының дежур частена Шәмсетдинов урамындагы күпфатирлы йорт подъездыннан велосипед урлау турында гариза белән 26 яшьлек Чистай кешесе мөрәҗәгать иткән. Ир-ат ике тәгәрмәчле транспорт чарасын аның сакланышы турында кайгыртмыйча подъездда калдырган.
Оператив чаралар барышында җинаятьчеләрне эзләү хезмәткәрләре тарафыннан балигъ булмаганнар эшләре буенча инспекциядә профилактик исәптә торучы 16 яшьлек яшүсмернең урлауын ачыкланган.
Җинаять эше РФ Җинаять кодексының 158 нче маддәсе «урлау»билгеләре буенча кузгатылган.
Хөрмәтле әти-әниләр! Балаларыгызга велосипедны караучысыз калдырырга һәм анда таныш булмаган кешеләргә йөрергә рөхсәт итәргә ярамый икәнен аңлатыгыз.
Куркынычсызлык кагыйдәләрен үтәгез, мөлкәтегезне саклап калу өчен барлык кирәкле чараларны күрегез!
Әгәр урлау шулай да булган икән, кичекмәстән полициягә 02 телефоны буенча мөрәҗәгать итегез, «мобиль» телефоны буенча – 102.