Чистай ЗАГС бүлегендә ирле-хатынлы Евсеевларның бала тууын теркәү тантанасы узды
Россия Президенты Владимир Путин игълан иткән Ватанны саклаучы елында мобилизацияләнгән чистайлының улы туды.
Һәр буынның үз геройлары бар. Безнең заман геройлары, һичшиксез, Украинадагы махсус хәрби операциядә катнашучылар. Нәкъ менә алар ярдәмендә безнең матур, бәхетле тормышыбыз дәвам итә-балалар бакчаларга йөри, мәктәпләрдә укый, барлык оешмалар һәм учреждениеләр гадәти режимда эшен дәвам итә.
Сергей Евсеев-СВО катнашучысы, хәрби операциянең беренче көннәреннән үк Ватаныбызны саклый, 2022 елның ноябрендә мобилизацияләнгән. Ә бүген аңа улы тууын теркәү тантанасында катнашу бәхете тиде. Тантана Чистайның Никахлашу сараенда узды. Сергей һәм Рената Евсеевлар гаиләсе районыбызның иң нык, тату, тәртипле, үрнәк яшь гаиләләренең берсе. Бу гаиләдә инде менә дигән балалар – Милена, Виолетта һәм Артем үсә. Ә 2025 елның 2 апрелендә гаиләдә тагын бер булачак яклаучы туган. Балага Антон дигән матур исем кушканнар. «Чистай шәһәре» муниципаль берәмлеге башлыгы урынбасары Михаил Ксенофонтов Евсеевлар гаиләсен сабый тууы белән котлады. Чистай муниципаль районы башлыгы Дмитрий Иванов исеменнән әнигә чәчәкләр һәм яңа туган балага бүләк тапшырды.
Евсеевлар гаиләсен чын күңелдән котлыйбыз! Сезнең гаиләгездә һәр көн мәхәббәт һәм кайгырту белән тулсын, ә туу турындагы таныклык гаилә бәхете символына әверелсен. Аның тормыш юлында бәхет, гаиләсенә муллык һәм тынычлык телибез.