Дмитрий Иванов «Игелек агачы»хәйрия акциясендә катнашты
2025 елның икенче яртыеллыгына язылу кампаниясе көчәя бара.
Аның белән бергә Россия Почтасы үткәрә торган хәйрия акциясе дә дәвам итә. Чистайлылар анда актив катнашалар, һәр яртыеллыкта социаль учреждениеләр һәм аз керемле кешеләр өчен язылу рәсмиләштерәләр.
Акциягә беренчеләрдән булып Чистай районы башлыгы Дмитрий Иванов та кушылды. Ул үзе һәм ата-аналар өчен «Чистопольские известия» газетасына, шулай ук балалар йорты өчен журналларга язылу рәсмиләштергән.
- Газетада-беренче авыздан актуаль мәгълүмат. Кешеләргә шәһәрдә һәм районда булган вакыйгалар турында белергә, киләчәккә планнар турында мәгълүмат бирергә кирәк. Матбугат басмасы безнең чистайлыларга барып җитсен өчен, язылуны хуплау мөһим, - диде Дмитрий Алексеевич.
Социаль учреждениеләргә, мохтаҗларга, аз керемле кешеләргә бүләк итеп төрле матбугат басмаларына оешма-предприятиеләр җитәкчеләре, депутатлар, хакимият вәкилләре дә язылды.