«Юлдаш» картлар һәм инвалидлар йортында ифтар үткәрелде
«Юлдаш «картлар һәм инвалидлар өчен Чистай интернат - йорты» ДАССО социаль хезмәтләр алучылар өчен Җирле мөселман дини оешмасы-Чистай шәһәре мөхтәсибәте вәкилләре ифтар мәҗлесе үткәрде.
Элек-электән мөселманнарда изге Рамазан аенда якыннары, бигрәк тә ярдәмгә мохтаҗлар белән яхшылык белән уртаклашу традициясе барлыкка килгән. Бүген дә учреждениебезнең ашханәсендә җирле мөселман дини оешмасы - Чистай шәһәре мөхтәсибәте вәкилләре йортыбызда яшәүчеләр өчен тантаналы ифтар уздырдылар.
Кызлар һәм хатын-кызлар табынга иртәдән үк әзерләнә башладылар, җиләк-җимешләрне юдылар, ризык белән индивидуаль бокслар төзеделәр, тәм-томнарны пакетларга тезеп куйдылар. Юлдашка килүгә үк өстәл бизәү белән шөгыльләнделәр, бүген аларга 150 кешене ашатырга кирәк бит.
Чара башында Чистай мөхтәсибе мөселман яшьләре җитәкчесе имам Рәмис Мөхәммәт хәзрәт-имам хатыйб, "Әнәс" мәчете имамы Абүбәкер хәзрәт һәм Россия эшмәкәре Әхмәтҗанов Илдус Тәлгать улы исеменнән җылы сәламләү сүзләрен җиткерде, шәфкатьлелекнең мөһимлеген искәртте. Хөрмә белән су эчеп сөйләшә башладылар, аннары, ифтар башланыр алдыннан, дога кылдылар һәм ашарга керештеләр.
Ифтар күңелле үтте, ә анда катнашучылар кунакларга кайгыртулары өчен чын күңелдән рәхмәт белдерделәр.
Хәлсез яшәүчеләргә бүлмәләренә сый-нигъмәтләр китерделәр.