"Юлдаш" егетләре Чистай шәһәренең Сугышчан дан музеенда булдылар.
Алар өчен "Ватанны саклаучылар" батырлык сәгате үткәрелде
Юлдашлыларны «Сугышчан туганлык» Бөтенроссия ветераннар иҗтимагый оешмасы һәм Чистай шәһәренең диңгез сугышчан туганлыгы вәкилләре тулы состав белән каршы алды.
Аларның рәисләре Рафис Мәхмүтов һәм Юрий Бочкарев оешмаларның яшь буында патриотизм һәм рухият тәрбияләү буенча алып барыла торган эшләре турында сөйләделәр.
Рафис Ирекович социаль хезмәт алучыларны махсус хәрби операция уздыру урыннарыннан китерелгән музей экспонатлары белән таныштырды.
Махсус хәрби операциянең яраланган катнашучысы, Әфганстанда, Чечняда хәрби хәрәкәтләр һәм башка локаль конфликтлар ветераннары үзләренең хәрби тәҗрибәләре турындагы хатирәләре белән уртаклаштылар.
«Авангард» спорт клубы, Эчке эшләр министрлыгы Ветераннар советы, Чистай казаклыгы, совет офицерлары, чик сакчылары, танкистлар, десантчылар берлекләре вәкилләре, һәлак булган сугышчыларның хатыннары чыгыш ясады.
Чарада катнашучылар чыгыш ясаучыларны игътибар белән тыңладылар, СВО зонасыннан китерелгән сугышчан трофейларны зур кызыксыну белән өйрәнделәр.
Очрашу азагында укучыларыбыз өчен тәмле аш оештырылды.