Россиядә ноябрь аенда ел саен Бөтендөнья сыйфат көне билгеләп үтелә
Бөтендөнья сыйфат көне ел саен ноябрьнең икенче пәнҗешәмбесендә уза, быел ул 14 ноябрьдә билгеләп үтелә. Сыйфат атналыгы 11-17 ноябрьдә «Россия – сыйфат билгесе булган ил»девизы астында узачак.
Бөтендөнья сыйфат көненең максаты продукциянең һәм хезмәтләрнең югары сыйфатының әһәмиятен арттыруда, шулай ук сыйфат проблемасына игътибар җәлеп итүгә юнәлдерелгән эшчәнлекне активлаштыруда. Сүз кеше һәм әйләнә-тирә мохит өчен товарларның куркынычсызлыгы турында гына түгел, ә кулланучылар ихтыяҗларының һәм өметләренең канәгатьләнү дәрәҗәсе турында да бара.
Бәйрәмнең һәм аңа багышланган чараларның социаль әһәмияте продукциянең иминлеге һәм сыйфаты өлкәсендә халыкның грамоталылык дәрәҗәсен күтәрүнең актуальлеге, ә икенче яктан тотрыклы үсеш һәм социаль җаваплылык принципларын бизнес алып бару стратегиясенә интеграцияләү белән билгеләнә. Сыйфат атнасы-төрле дәрәҗәләрдә халыкны товарларның иминлеге, сыйфаты һәм файдалылыгы проблемаларын, шулай ук акыллы куллану принципларын яхшырак аңлауга юнәлдерүче иҗтимагый әһәмиятле чаралар уздыру мөмкинлеге ул.
Татарстан Республикасы Дәүләт алкоголь инспекциясенең Чистай территориаль органы.
Татарстан Республикасы Дәүләт алкоголь инспекциясенең Чистай территориаль органы хезмәткәрләре, Роспотребнадзорның Татарстан Республикасы буенча ҖЧҖ белгечләре һәм җирле үзидарә органнары белән берлектә, бу чорда Бөтендөнья сыйфат көненә һәм сыйфат атнасына багышланган, Татарстан Республикасының кулланучылар базарында сатыла торган товарларның, эшләрнең һәм хезмәтләрнең сыйфатын һәм куркынычсызлыгын тәэмин итүгә юнәлдерелгән чаралар комплексы үткәреләчәк. Бу кулланучылар өчен төрле акцияләр, семинарлар, лекцияләр, гражданнар күпләп җыела торган урыннарда кизү тору, кулланучылар дегустацияләре. Мәсәлән, 15 ноябрьдә күпфункцияле үзәктә кизү тору барышында гражданнарга кулланучылар хокукларын яклау мәсьәләләре буенча консультацияләр биреләчәк. Бу чараларның барысы да сыйфатлы товарлар, эшләр һәм хезмәтләр файдасына дөрес сайлау күнекмәләрен формалаштыруга юнәлдерелгән.
Татарстан Республикасы Дәүләт алкоголь инспекциясенең Чистай территориаль органы эчке базарны үстерү һәм координацияләү бүлеге телефоны буенча (884342-5-49-85) 2024 елның 14 ноябрендә «кайнар линия»оештырыла.
Кулланучыларның фикерен өйрәнү максатында анкета-сораштыру эшләнде. Барлык теләүчеләргә сылтама буенча узарга һәм сораштыруда катнашырга тәкъдим итәбез.