Чистай районы Советының чираттагы утыз өченче утырышы булды.
Чистай районы Советының чираттагы утырышында депутатлар 5 мәсьәлә буенча фикер алыштылар
Аны муниципаль район башлыгының беренче урынбасары Константин Иванов үткәрде.
Утырышның көн тәртибе 5 пункттан торды. Инвестицион проектлар буенча муниципаль гарантияләрне җирле бюджет акчалары исәбеннән бирү тәртибенең 1.3 пунктының гамәлдә булуын туктатып тору турындагы беренче мәсьәлә буенча район финанс-бюджет палатасы җитәкчесе урынбасары Жанна Федичкина чыгыш ясады.
Депутатларга фикер алышу өчен тәкъдим ителгән чираттагы мәсьәлә шәһәр һәм район буенча участок сайлау комиссияләре составына хәлиткеч тавыш хокукына ия 5 елга билгеләп кую һәм Чистай муниципаль районы Советыннан участок сайлау комиссияләре составлары резервына кертү өчен кандидатуралар тәкъдиме белән бәйле иде. Көн тәртибенең бу пункты буенча район Советының законлылык, хокук тәртибе һәм депутатлык эшчәнлеге мәсьәләләре буенча даими депутат комиссиясе рәисе Геннадий Осипов чыгыш ясады.
- Чистай районының участок сайлау комиссияләренең берничә әгъзасы нигезле сәбәпләр аркасында уикның хәлиткеч тавыш хокукына ия әгъзасы вазыйфасыннан азат ителү турында гариза язганлыктан, шәһәр һәм район буенча участок сайлау комиссияләре составлары резервына район Советыннан кертү өчен кандидатуралар тәкъдим итү зарурлыгы туды. Ике шәһәр һәм ике авыл участок сайлау комиссиясенә кандидатуралар тәкъдим ителә. Безнең даими депутат комиссиясе тәкъдим ителгән карар проектын карады, кисәтүләр юк, - дип билгеләде Геннадий Николаевич.
Киләсе мәсьәлә буенча район Советының Чистай муниципаль районында Төп эш урынында эшләүче гражданнарга җир кишәрлекләрен түләүсез файдалануга бирү тәртибе турындагы карарына үзгәрешләр кертү турында Җир һәм милек мөнәсәбәтләре палатасы җитәкчесе Марина Исхакова сөйләде. Документның кайбер пунктларына үзгәрешләр кертергә тәкъдим ителде.
Депутатлар шулай ук Чистай районының административ комиссиясе турындагы карарга үзгәрешләр кертү турында да фикер алыштылар. Константин Иванов хәбәр иткәнчә, бу мәсьәлә кадрлар алмаштыру белән бәйле рәвештә туган. Константин Валентинович утырышның көн тәртибендәге бишенче мәсьәлә буенча да чыгыш ясады. Ул шулай ук район Советының бер карарына-балигъ булмаганнар эшләре һәм аларның хокукларын яклау буенча район комиссиясе карарына үзгәрешләр кертү белән бәйле иде. Депутатларга фикер алышуга тәкъдим ителгән карар проекты балигъ булмаганнар эшләре буенча комиссия составына кадрлар үзгәрешләренә бәйле рәвештә үзгәрешләр кертүне үз эченә ала.
Көн тәртибенең һәр пункты буенча депутатлар бертавыштан уңай карарлар кабул итте.