Чистайлылар территорияләрне җыештыру буенча масштаблы кампаниягә актив кушылдылар.
Чистайда санитар-экологик икеайлык башланды. Ул 31 майга кадәр узачак.
Масштаблы кампаниянең төп максаты-территорияләрне тәртипкә китерү һәм төзекләндерү. Ике ай дәвамында шәһәрдә һәм районда массакүләм өмәләр һәм уртачалар үткәрү планлаштырыла. Беренчеләре инде узган: оешма, предприятие һәм учреждение хезмәткәрләре янәшәдәге территорияләрдә кар казыганнар.
- Традиция буенча, ике айлык берничә этапта уза. Апрель аенда гадәттә кар тутыру, шәһәр урамнарын, паркларны һәм скверларны, йорт яны һәм юл яны территорияләрен, яр буе зоналарын, бакчачылык ширкәтләрен, гараж кооперативларын чүп-чардан санитар чистарту, шулай ук контейнер мәйданчыкларын ремонтлау һәм урнаштыру буенча эшләр башкарыла. Әлбәттә, рөхсәтсез чүплекләрне ачыклау һәм бетерү, зират территорияләрен җыештыру мәсьәләләренә аерым игътибар биреләчәк. Ә икеайлыкның икенче яртысында төзекләндерү һәм яшелләндерү эшләре планлаштырылган, — дип сөйләде шәһәр Башкарма комитеты җитәкчесе урынбасары Фарход Садиков.
Алдагы еллардагы кебек үк, оешмаларга һәм предприятиеләргә иҗтимагый киңлекләр беркетелгән, аларда алар икеайлык кысаларында тәртип урнаштырырга тиеш. Бу схема Чистай районында күп еллар дәвамында кулланыла һәм үзен яхшы яктан күрсәтте.
Икеайлыкка яшьләр волонтерлык оешмалары актив кушылыр дип көтелә. Экологлар да көчәйтелгән эш режимына күчә.