Чистай эшкуарлары Санкт-Петербургта Халыкара хезмәт форумында катнаша ала
Очрашу яшүсмерләрне эшкә урнаштыруга багышланачак
Санкт-Петербургта 20-22 февральдә VIII Халыкара хезмәт форумы узачак. Очрашу яшүсмерләр белән системалы эш оештыруга юнәлдереләчәк.
Чара кысаларында «хәзерге яшүсмерләрнең хезмәт кыйммәте һәм мәшгульлеге: яңадан башлау»панель дискуссиясе узачак. Спикерлар бүгенге хезмәт базарында яшүсмерләр мәшгульлеге, шулай ук үсеп килүче буынның эшкә мөнәсәбәте һәм яшүсмер сайлауга өлкәннәрнең йогынтысы турында фикер алышачак.
Шулай ук форумда «хезмәт форумының HR – бренды» конкурсында берничә номинациядә җиңүчеләр билгеләнәчәк: корпоратив система, персонал җәлеп итү буенча программа, предприятиедә хезмәтне саклау һәм куркынычсызлык өлкәсендә программа һәм башкалар. Әмма быел «яшүсмерләрне җаваплы эшкә урнаштыру»дигән махсус номинация дә ачылды.
Балигъ булмаганнарны эшкә урнаштыруда уңышлы тәҗрибәгә ия булган компанияләр һәм оешмалар катнаша ала. Җиңүчеләргә бүләкләр тапшырылачак.
Конкурска гаризалар 15 февральгә кадәр сайтта кабул ителә. Ә форумга сылтама буенча теркәлергә мөмкин.