"Бурычлы" операциясе
Чистай муниципаль районы территориясендә 2023 елның 20-30 ноябрендә административ штрафлар түләүдән качучыларны ачыклау һәм административ җаваплылыкка тарту максатыннан «бурычлы»профилактик операциясе үткәрелә.
Исегезгә төшерәбез, РФ Административ хокук бозулар кодексының 32.2 маддәсе нигезендә штраф карар законлы көченә кергән көннән алып 60 көннән дә соңга калмыйча түләнергә тиеш. Административ штрафларны вакытында түләмәгән өчен Сез РФ Административ хокук бозулар кодексының 20.25 маддәсенең 1 өлеше нигезендә җаваплылыкка тартыла аласыз. Бу статья буенча җаваплылык икеләтә күләмдә штраф салуны, әмма 1000 сумнан ким булмавын, 15 тәүлеккә кадәр кулга алуны яки 50 сәгатькә кадәр төзәтү эшләрен күздә тота. Әмма бу Сезне беренче штрафны түләүдән азат итмәячәк.
Чистай полициясе административ хокук бозулар кылган өчен штраф рәвешендә җәза алган гражданнарга мәҗбүри җәза чараларын көтмәскә, ә штраф суммасын вакытында түләргә мөрәҗәгать итә.
Күңелсез хәлләрдән саклану өчен административ штрафларны вакытында түләүне сорыйбыз.
Билгеләнгән сумманы банкларда түләргә мөмкин. Штрафны түләгәннән соң, квитанцияләрне административ практика бүлегенә мәгълүмат базасында «түләнгән» дип билгеләү өчен бирергә кирәк.
Административ хокук бозу яки аны түләү белән бәйле сораулар туган очракта, Россия Эчке эшләр министрлыгына Чистай районы буенча мөрәҗәгать итәргә мөмкин, ул К. Маркс урамы, 48 а. адресы буенча урнашкан. белешмәләр өчен Телефон: 8 (84342) 5-03-97