2023 елның 9 сентябрендә Чистай никахлашу сараенда махсус хәрби операциядә катнашучының никахын теркәү булды.
Илья Шәфыйков, хезмәткә чакырылганнан соң, РФ Оборона Министрлыгы белән контракт төзеде һәм Россия Федерациясенең Кораллы көчләре сафларында хезмәт итүен дәвам итте, махсус хәрби операция башланганнан соң ук Луганск өлкәсендә алдынгы урында булып чыкты, Изюм шәһәрен азат итүдә катнашты.
Илья танк командиры иде. 2023 елның июлендә каты сугыш барышында аның танкына дошман ракетасы килеп эләгә, танк дошманның даими атулары астында янып китә. Илья көч-хәл белән үзе котыла һәм ут астыннан иптәшләрен чыгара. Бу сугышта Илья җитди тән пешүе, өч утлы ату җәрәхәтләре ала. Августта, дәваланганнан соң, сәламәтлеге хәле буенча контракт төгәлләнә. Илья Шәфыйков Батырлык Ордены, "2 дәрәҗәдәге хәрби батырлык өчен" Медале белән бүләкләнә.
Ә 2023 елның 9 сентябре Илья өчен аның тормышында иң бәхетле көннәрнең берсенә әверелде – ул сөйгәне Дарья белән үз гаиләләрен булдырдылар.
Чистай муниципаль районы башлыгы Дмитрий Иванов исеменнән бәхетле яшь парларны Чистай муниципаль районы Башкарма комитеты җитәкчесе урынбасары Галина Юрьевна Задворнова җылы котлады.
Яшь гаиләгә тормыш юлыннан кулга-кул тотынышып барырга, абынмаска, мәхәббәтне, ярдәмне, таяныч һәм кайгыртучанлыкны тоярга һәм көн саен, озак елларга мөнәсәбәтләрдә ихтирамны, дулкынлануны һәм назлылыкны сакларга телибез.