Гаилә тормышының бриллиант елъязмасы!
«Бердәм гаилә» партия проектын гамәлгә ашыру кысаларында Чистай муниципаль районы Башкарма комитетының ЗАГС бүлеге «БЕРДӘМ РОССИЯ» партиясенең Чистай җирле бүлекчәсе белән берлектә, бриллиант юбилярлар - Алексей Васильевич һәм Валентина Степановна Ивановларны котладылар.
Ивановларның танышу тарихы белән таныштылар: алар икесе дә Яңа Чишмә районының Екатеринская бистәсе авылында туалар, бер-берсен балачактан ук беләләр. Алексей Васильевич яшь кенә Валентинаны велосипедта ничек йөрткәнен елмаеп сөйли. Язмышларын 1963 елның җәендә бәйлиләр. Көн артыннан көн, ел артыннан ел дәвамында Алексей Васильевич һәм Валентина Степановна үзләренең йорт учакларын булдырганнар, өч бала: кыз һәм ике ул тәрбияләгәннәр. Хәзер ир белән хатынның тугыз оныгы һәм дүрт оныкчыгы бар. Әгәр олы кызы кияүгә чыгып Чистайдан киткән булса, уллары үз шәһәрләрен ташлап китмәгәннәр, Дмитрий Алексеевич шул ук вакытта район башлыгы булып та тора.
Бриллиант юбилярлар яшьләргә нәрсә теләр иде дигән сорауга алар: «Алар бер-берсенә карата түзем, көчле рухлы булсыннар. Аларга, һичшиксез, чын мәхәббәтне очратып, үзенең тиңе белән озын һәм бәхетле гомер кичерергә телибез!».
Ивановлар Чистай муниципаль районының Почет юбилярлары китабында лаеклы урын алды! Алексей Васильевичны һәм Валентина Степановнаны туй юбилее белән чын күңелдән котлыйбыз! Сәламәтлек, иминлек, гаилә җылысы һәм бәрәкәтле тормыш, якыннарыгызның игътибарын һәм мәхәббәтен телибез!