Чистай районында педагог һәм остаз елында ирле-хатынлы Афанасьевларны хөрмәтлиләр
2023 ел Россия Президенты Владимир Путин Указы белән педагог һәм остаз елы дип игълан ителде. 8 июльдә, Гаилә, мәхәббәт һәм тугрылык көнендә, гомумшәһәр «Ромашкалы бәхет» бәйрәмендә хөрмәтле педагогларны юбилейлары белән котладылар. Икесенә 80 елдан артык - Иван Алексеевич һәм Тамара Петровна Афанасьевларның педагогик стажы шундый.
1970 елда Тамара Петровна Чистай районы Чуваш-Елтан урта мәктәбенең башлангыч сыйныфлар укытучысы итеп билгеләнә. Ул вакытта авыл зур була, мәктәп ике сменада эшли, сыйныфларда 30-32 кеше була.
1971 елның 8 мартында Халыкара хатын-кызлар көнендә укытучылар концерт, ә аннары биюләр куялар, анда язмыш безнең юбилярларны берләштерә. Шул вакыттан яшь укытучылар Иван һәм Тамараның матур мәхәббәт тарихы башлана.
Өч ел аралашу, әти - әниләр белән танышу һәм менә күптән көтелгән көн – 1973 елның 29 июне - Афанасьевлар гаиләсенең туган көне, ике яратучы йөрәк, үз мөнәсәбәтләрен законлаштырып, ир белән хатын булып китә. Тамара Петровна әйтүенчә, бу көнне алар гомер буе бәхетләрен, гаиләләрен саклаган корылма төзегәннәр. Афанасьевлар матур, акыллы, игелекле, яратучан балалар – Игорь һәм Екатеринаны үстергәннәр, бүген алар биш сөйкемле оныкның әбисе һәм бабасы.
Сәхнәдә Тамара Петровна яшьләргә үгет-нәсихәтләр бирә: “Гаилә тормышында иң мөһиме – бер-береңне ишетә белү. Гаиләдә “Мин” сүзе булырга тиеш түгел, ә бары тик “Без” генә булырга тиеш. Һәрвакыт бер-берегезне яратып, кадерләп, хөрмәт итеп яшәгез, авырлыклар алдында сынмагыз, бәхетле булыгыз!”.