Россия көне белән, чистайлылар!
12 июньдә без күп гасырлык тарихы һәм бай мәдәни, рухи мирасы булган илебезнең төп дәүләт бәйрәмен билгеләп үтәчәкбез.
Россиянең төп көчен күпмилләтле халкы тәшкил итә. Ул һәрвакытта да, көчен кызганмыйча, илен яклауга баса, аның үсешен тәэмин итә. Россиялеләр Ватанны бәйсез, көчле итү омтылышында һәрчак бердәм.
Бүген без Ватан, җәмгыятебез, халкыбыз өчен бердәмлек кирәклеген яхшы аңлыйбыз. Россиянең иртәгә нинди булачагы үзебездән тора. Без балаларыбыз һәм оныкларыбыз алдында аның киләчәге өчен җаваплы. Уртак тырышлык белән без туган ягыбызны һәм Ватаныбызны үстерүгә юнәлдерелгән планнарны тормышка ашырачакбыз.
Барыгызга да тынычлык, бәхет, нык сәламәтлек, иминлек һәм барлык игелекле эшләрегездә һәм башлангычларыгызда уңышлар телим! Безнең яшь буын һәрвакыт үз Ватаны белән горурлансын, аны яратсын һәм хөрмәт итсен.
Дмитрий Иванов, Чистай муниципаль районы башлыгы