Чистай Никахлашу сараенда «рубин» юбилярлар өчен тантана оештырылды
Чистай муниципаль районы Башкарма комитетының ЗАГС бүлеге Әхмәтовларның «рубин» туйларын оештырды.
Һәр көнне бергә каршы алып, аны озатып, балаларны тәрбияләп, аларның беренче адымнары һәм уңышлары өчен шатланып, тормыш борылышларын кичереп, ирле – хатынлы Әхмәтовлар тормышның төп бурычын-гаилә кору һәм саклау бурычын үтәгәннәр. Аларның бәхетле гаилә тормышы тәҗрибәсе балалар һәм оныклар өчен иң чын «асылташ».
Яшьләр Чистайда таныша. 17 яшьлек Гүзәл кызу Төрекстанда хезмәт иткән спортчы, грек-рим көрәше буенча ТАССР һәм СССР чемпионатлары призеры 22 яшьлек Равилне очрата. 1982 елның 19 ноябрендә, үз мөнәсәбәтләрен законлаштырып, ир белән хатын булалар. Шулай итеп Әхмәтовлар гаиләсе туды. Туйдан соң яшьләр хезмәт хакларына төньякка киткән, әмма яхшы перспективаларга да карамастан, туган якларына кайтырга карар иткән. Гүзәл архитектура-конструкторлык бюросында эшли, ә Равил сөт заводында мастер булып эшли. 90-нчы елларда гаилә металл төзелеш конструкцияләрен монтажлау бизнесын ача. Бәхетле гармонияле берлектә Әхмәтовларның ике кызы - Римма һәм Эльмира туа.
Традиция буенча юбилярлар «Мактаулы юбилярлар» китабына имза куйдылар. Юбилярларны Чистай муниципаль районы Башкарма комитетының ЗАГС бүлеге җитәкчесе Илмира Ярмушева котлады һәм озак еллар бергә гомер итүләрен теләде һәм 10 елдан соң ЗАГС бүлегендә бергә алтын туй үткәрергә чакырды!