Россиягә килүчеләр өчен ПЦР-тестлар тапшыру буенча таләпләрне гамәлдән чыгару турында
Чистай Роспотребнадзоры хәбәр иткәнчә, Роспотребнадзор җитәкчесе, Россия Федерациясенең баш дәүләт санитар табибы Анна Попова Россия Федерациясенең прививкаланмаган һәм авырып китмәгән гражданнары өчен PCR-тестлар тапшыру буенча таләпләрне гамәлдән чыгару турында карарны имзалаган.
Элегрәк күрсәтелгән категориягә РФ гражданнары килгәннән соң өч календарь көн эчендә PCR-тест тапшырырга, шулай ук тест нәтиҗәләрен дәүләт хезмәтләре порталына йөкләргә тиеш булган.
Имзаланган карар шулай ук чит ил гражданнарын Россиягә керер алдыннан PCR-тест тапшырудан азат итә. Документ 21 октябрьдән үз көченә керә.
Covid-19 эпидемиологик ситуацияне тотрыклыландыру сәбәпле карар кабул ителде. Санитар-карантин контроленең тиешле дәрәҗәсен тәэмин итү максатыннан, карар белән үткәрү пунктларында яңа коронавирус инфекциясенә сайлап тестлауны оештыру каралган. Эпидемиологик күрсәткечләр буенча covid-19 эпидситуациясенең начарлануы күзәтелгән илләрдән килгән кешеләргә карата тоташ тестларны кулланырга мөмкин.
РФ гражданнарына һәм чит ил гражданнарына карата килүчеләр өчен анкеталар тутыру таләбе саклана. РФ гражданнары моны дәүләт хезмәтләре порталында эшли ала.